ప్రభుత్వ స్థలాన్ని కబ్జాకు గురికాకుండా వెంటనే స్వాధీనం చేసుకొవా

గౌరవనీయులైన గుంతకల్ రెవిన్యూ డివిజన్ అధికారి (RDO) గారికి ,

సిపిఐ (ఎంఎల్) న్యూ డెమోక్రసీ పార్టీ సమర్పించు మెమోరాండం ,

విషయం ,, ప్రభుత్వ స్థలం అన్యాక్రాంతం కాకుండా స్వాధీనం చేసుకొనుట కొరకు .

పట్టణంలో బళ్లారి సర్కిల్ , హెచ్ పి పెట్రోల్ బంక్ ప్రక్కన గుంతకల్ గ్రామ పొలం సర్వే నంబర్ 424 –బి లోని 23 సెంట్లు ప్రభుత్వ స్థలాన్ని పెట్రోల్ బంక్ యజమాని దేవేంద్రప్ప ఆక్రమించి 16 షెడ్లను అక్రమంగా నిర్మించుచున్నారు .

కోట్లాది రూపాయలు విలువ చేసే ఈ ప్రభుత్వ స్థలాన్ని కబ్జాకు గురికాకుండా వెంటనే స్వాధీనం చేసుకొని ప్రజా ప్రయోజనాలకు ఉపయోగించాలి, గతంలో కూడా  పై సర్వే నంబర్ స్థలాన్ని ఆర్ టి ఓ  కార్యాలయానికి కేటాయించడం జరిగినది. విస్తీర్ణం తక్కువగా ఉన్నదని అక్కడ ఆర్ టి ఓ కార్యాలయాన్ని నిర్మించడానికి వీలు కాదని అధికారులు అప్పట్లో భవనాన్ని నిర్మించలేదు . దీనినే అదునుగా తీసుకొని ప్రైవేటు వ్యక్తులు విలువైన ప్రభుత్వ స్థలాన్ని ఆక్రమించుచున్నారు . ఇంత జరుగుతున్న రెవెన్యూ ,  మున్సిపల్  , ఆర్ అండ్ బి అధికారులు స్పందించకుండా తీవ్ర నిర్లక్ష్యాన్ని చూపుతూ కబ్జా చేస్తున్న వ్యక్తులకు తమ సహకారాన్ని అందించడం జరుగుతున్నది .

కావున దయచేసి ఈ  విషయం మీద తమరు వెంటనే స్పందించి పై సర్వేనెంబర్ సంబంధించిన స్థలాం పై విచారణ జరిపి ,  ప్రభుత్వ స్థలాన్ని స్వాధీనం చేసుకోవాలని డిమాండ్ చేస్తున్నాము . లేనిపక్షంలో ఆందోళన కార్యక్రమాలను చేపడతామని ప్రభుత్వానికి తెలుపుతున్నాము .

ఈ కార్యక్రమంలో పాల్గొన్న వారు సిపిఐ ఎంఎల్ న్యూ డెమోక్రసీ పార్టీ గుంతకల్ డివిజన్ కార్యదర్శి బి , సురేష్ ,  పట్టణ కార్యదర్శి చిన్నా , ఐ ఎఫ్ టి యు పట్టణ అధ్యక్షులు రామాంజనేయులు ,  కమిటీ సభ్యులు భాష ,  నారాయణ , జానయ్య , గోపి , కృష్ణ  రామకృష్ణ నాయక్ తదితరులు పాల్గొన్నారు .